Atualità

OSP – Ala fin dl 2002 laurova tla scoles elementeres dl Südtirol 3.627 persones: 2.775 nseniova tla scoles tudësces, 688 te chëles talianes y 164 tla scoles elementeres di luesc ladins. De duc i maestri y dla maestres fova 84% tëuc su cun n cuntrat per dut l ann y i autri 16% a tëmp determinà. La statistica dl ASTAT mostra su che 84% fova ëiles, 14% fova maestri y maestres che laurova a mez tëmp.

OSP - L terminn por l’assegnaziun di posc’ por l’ann de scora 2003/2004 sarà ai 8 d’agost 2003.

OSP - Chisc dis à les scores stlüt les portes do i ejams finai. L’Intendënza ladina fej na bilanz di resultac’: di 45 candidac’ interns dles cinch scores altes à düc’ arjunt la promoziun cun l’ejam de stat. Tles scores mesanes à 203 di 208 scolares y scolars che à podü fà l’ejam arjunt la promoziun. Di 1300 danter scolares y scolars dla scora elementara é 1281 passà.

OSP - L’assessur ladin Florian Mussner fej i complimënc’ ai studënc’ ladins che à stlüt jö l’ejam de stat. Les döes studëntes y le studënt cun le mascim resultat è gnüs congratulà cun n telegram. Les aodanzes dl assessur por le dagnì de chëstes studëntes y de chisc studënc’.

OSP - La seziun ladina ciafarà na süa lerch tl frabicat nü dla Facolté de Sciënzes dla Formaziun dl’Université de Porsenù. La rapresentanza ladina tla Junta dl’université gnarà garantida tres na modaziun proponüda ciamò en chësc mëis al Consëi d’aministraziun. I diploms de laurea ince por ladin. Colaboraziun dejidrada cun scora y istituziuns culturales ladines.

LPA - La Consulta culturala ladina te na süa sentada à da püch ejaminé les domandes de contribut dles uniuns culturales ladines y de deplü artisc. Indöt él gnü valuté 133 domandes.

OSP - Festa garateda n merdi a San Martin per recunëscer i meric dl directorium da dant dl Istitut Pedagogich Ladin. Paroles de lauda al Presidënt Vittur y ai cumëmbri da pert dl Assessëur Florian Mussner. L IPL udù sciche na istituzion mportanta per la scola nce per l daunì

OSP - L’Ofize cultura y scora ladina dla Provinzia Autonoma de Balsan-Südtirol lascia al savëi che al é gnü bandì la pröma ediziun dl concurs a pesc “Auturs ladins scrì …”. Tëmp por menè ite i laûrs cina ai 30 de dezëmber 2003.

OSP - Por le pröm iade vëgnel tigní a livel provinzial en vëndres, ai 11 de’aurí 2003 n “Dé dla cultura ladina”. Fin de chësta manifestaziun, che gnarà spo tignida vigne ann, é chël de mëte tl zënter dl’atenziun tematiches de interès particolar por la mendranza ladina y che po ester d’interès ince por i atri grups linguistics.

OSP - En ocajiun dl dé mondial dl teater sotliniëia l’assessur ladin Florian Mussner l’importanza dl teater por pici y gran de düc i grups linguistics y de dötes les cultures.