Atualità
-
Dala Junta: Aprovà 13 miliuns de euro por i stipendiums por studënć
La junta provinziala à aprovè incö (mertesc ai 24 de jügn) indöt 13 miliuns de euro por finanzié i stipendiums por studënć por le proscimo ann academich. L’ultimo dé por presentè les domandes por n stipendium é ai 31 de otober.
-
L’analfabetism ne pò nia plü ester n tema scutè ia
USP - "Nix lesen, nix schreiben, nix gut" – chësc é le titul dl liber nü apëna gnü fora y che é dediché ala alfabetisaziun di migranć. Le liber cunta l’alfabetisaziun nia ma sciöche prozès linguistich y didatich mo inće sciöche poscibilité por tó pert ala vita soziala.
-
Incuntada danter sorbs y ladins por se confrontè sön les mendranzes
USP - Da püch à na rapresentaziun dla mendranza slava di sorbs vijité le Südtirol. Por podëi conësce plü daimprò la realté dles mendranzes tl Südtirol él gnü organisé danter l’ater inće na vijita al Museum Ladin “Ćiastel de Tor” a San Martin y ala galaria d’ert “Unika” a Urtijëi.
-
Ejams finai dles scores ladines: Indoman la pröma proa
USP – Indöt 272 mituns y mitans à metü man en sabeda, ai 14 de jügn i ejams finai dla scora mesana. Tles cater scores altes te Gherdëna y tla Val Badia él indöt 82 scolars che fajarà en jöbia, ai 18 de jügn la pröma proa scrita di ejams de maturité.
-
Alfabetisaziun de migranć: presentaziun dl liber ai 19 de jügn
“Nix lesen, nix schreiben, nix gut”: Chësc é le titul dl liber che é gnü publiché dal Ofize Formaziun Permanënta dl Departimënt Cultura todëscia adöm ala organisaziun “Alpha Beta – Piccadilly” y che à sciöche tematica prinzipala l’alfabetisaziun de migranć. Le liber gnarà presentè la proscima jöbia, ai 19 de jügn da öna dles auturies adöm cun l’assessur por l’integraziun Philipp Achammer.
-
L’ann scolastich é rové: Odlada zoruch da pert di trëi assessurs
USP - „La scora é rovada!“ Cun indoman, vëndres ai 14 de jügn se röia por la maiù pert di scolars dles scores elementares, mesanes, altes y dles scores por les profesciuns l’ann scolastich. Inće por i mituns dles scolines pëia ia dai 14 de jügn inant les vacanzes da d’isté. Por la fin dl ann de scora ti aôda insciö i trëi assessurs por la scora Mussner, Achammer y Tommasini a düć döt le bun.
-
Suralüsc tles ploanies por portè inant le proiet de cataloghisaziun
USP - Por podëi se fà n cheder dla situaziun mo inće por portè inant le proiet por na cataloghisaziun de dötes les racoiüdes di libri tles calonies tres le proiet EHB à n grup de esperć formè da Bruno Klammer, Giovanni Mischì, Toni Sotriffe y dai funzionars provinziai Alexander Prinoth y Alexander Piccolruaz vijité da püch les biblioteches dles calonies da Urtijëi, Santa Crestina, Bula y La Pli.
-
Publicaziun dles graduatories por i posć tles scolines
USP - Da en lönesc, ai 16 de jügn dales 14.00 inant vëgnel dè ia tla sënta dla Direziun dles scolines a Picolin i posć da maestres y colaboradësses pedagogiches tles scolines ladines por l’ann de scolina 2014/15.
-
Les Opziuns 75 agn do: sëra de referać tla Teßmann
En ocajiun di 75 agn dales opziuns inviëia la Biblioteca Provinziala Dr. Friedrich Teßmann deboriada cun la seziun da Balsan dl Tiroler Geschichtsverein y le Archif Provinzial a na sëra de referać ai 10 de jügn dl 2014.
-
Premiaziun dl concurs scolastich „Cangur dla matematica“ incö a Balsan
USP - „La formaziun é la fondamënta por le suzés” – con chëstes parores à Arno Komatscher, Presidënt dla Provinzia, fat les mius aodanzes ai mituns y ales mitans che s’à plazè ti pröms posć pro le concurs internazional „Cangur dla matematica“, olache indöt 6520 mituns y mitans da döt Südtirol à fat para.
