Ntlujion – mutons/mutans y jëuni/jëunes cun dejabltà – y migrazion | 05.04.2013 | 11:41

NTLUJION – mutons/mutans y jëuni/jëunes cun dejabltà – Y MIGRAZION

Ciamp NTLUJION - mutons/mutans y jëuni /jëunes cun dejabltà
Do avëi stlut jù l relevamënt n cont di pruzesc operatifs y i flusc di dac dla sortes defrëntes de scoles y dla scolines, à l CIP (Cumité de ncëria di proiec) nciarà la grupa de lëur a lauré ora soluzions metodologiches/funzioneles per l'otimisazion di pruzesc de lëur tl respet dla normes sun la prutezion di dac. L ie unit numinà na grupa de lëur che à la funzion de elaburé y prejenté prupostes nchin ai 31 de mei 2013.

Ciamp MIGRAZION
Nce per l ciamp dla migrazion iel unit relevà i pruzesc operatifs y i flusc di dac dla sortes de scola defrëntes y dla scolines. Dantaldut iel unit auzà ora che per otimisé l'ativiteies dl zënter linguistich iel de bujën damandé dala scoles i dac spezifics di sculeies/dla sculées. Perchël iel unit damandà, ejaminà y apurvà dal CIP y dala Repartizion Nfurmatica l renfurzamënt  y putenziamënt di Popcorn. La scumenciadiva ie tla fasa de prugramazion per l renfurzamënt. L unirà do la fasa de "proa", prejentazion/nfurmazion y furmazion dla persones che se cruzia dla cossa.

(FK)