Storia

La fundamëntes per l svilup dl Sistem de nfurmazion scolastich ie bele unides metudes de mei dl 2007, canche la Jonta Provinziela à damandà al’Aministrazion provinziela de svilupé na banca dac relativa ala scoles, da ti mëter a despusizion a duc i utënc/duta la utëntes y de putenzië, donca, l servisc “PopCorn”.

Tl 2008 iel unit tëut la dezijion de cumpré n software de planificazion dl orar dla lezions per la scoles d’uni orden y grado – l “Da-Vinci" – purtà tla scoles ai 1 de setëmber 2009. Paralelamënter lauroven per miuré l datawarehouse dl sistem.

Chëstes ie n valgunes dla truepa ativiteies nviedes via per miuré i strumënc de suport y de gestion dla nfurmazions y di dac a duc i livei:

• dla scoles
• di departimënc /dla repartizions / di raions
• dla politica

y tosc se àn rendù cont che la cumplessità dl cuntest da gestì fova dopla:

• da una na pert iel la Repartizion Nfurmatica, che muessa mëter a despusizion la tecnologia y i finanziamënc per i ntervënc,
• dal’autra pert iel l Sistem Istruzion y Furmazion, che ie cunfruntà cun na for majera cëria de dac y nfurmazions da gestì.

Perchël se à i respunsabli/la respunsables dl Sistem Istruzion y Furmazion ancuntà per bën trëi iedesc a Rechtenthal – danter dezëmber dl  2009 y jené dl 2010 – per proieté l daunì (cëla Raport apollis 2010), y dadedò iel unit metù adum na grupa de lëur n reprejentanza dl Sistem Istruzion y Furmazion.

A chësta grupa de lëur ti iel unit dat la ncëria de mëter a jì n proiet cun chël:

• ndiché i obietifs strategics,
• fé ora i obiettifs operatifs
• lauré ora la strategia per arjonjer i risultac damandei

Y dla grupa nstëssa iel unit definì la urganisazion operativa, dajan sëura la funzions y la ncëries di cumëmbri.

La ncëria ie unida laureda ora da 18 persones te 3,5 dis y apurveda ai 11 de merz dl 2010 (cunfr. reunions PAGG – verbai  ).

Mo n var de mpurtanza ie stat la prejentazion de n’azion de sistem al Fond Soziel Europeich: l proiet “SIS – nëus cunlion persones”, apurvà dala Jonta Provinziela cun delibera n. 530 di 4 d’auril 2011 (faszicul 2-299-2010).
Nsci à l project team – metù adum da 12 dezidënc/dezidëntes, 12 cumëmbri permanënc y 150 referënc – pudù tò ite i esperc/espertes da dedora per lauré te sotgrupes defrëntes sun la tematiches spezifiches (cunf. proiec).

N cont dla cunlaurazion y dla trasparënza tla gestion dla nfurmazions iel per l projet team stat de gran mpurtanza pudëi se nuzé dla plataforma nterativa www.copernicus.bz.it, tres chëla che duc i nteressei  possa sun dumanda se nfurmé n cont dl proiet y si resultac (cunfr.: Inhalte » BERUFSBILDUNG 22 » 0 Projekte Service 22 Servizio Progetti » 2.0 STRATEGISCHE PROJEKTE » 2-299-2010 SIS - wir verbinden Menschen / noi colleghiamo persone).

L proiet finanzià dal Fond Soziel Europeich – che fina via ai 31 de mei dl 2013 - forma la basa che ie debujën per na plataforma de nfurmazion al servisc dl Sistem Istruzion y Furmazion dla Provinzia.