Benunì

Benuní tl sistem de nfurmazion scolastich de Südtirol!

Nfurmazions: Chi ne les uel pa nia? La informazions ie al didancuei for plu mpurtantes, ma les resta danz mé atueles per curt tëmp. 
Tl’era dla comunicazion digitela à la devulgazion efizienta y scëmpla dla nfurmazions giapà na gran mpurtanza per duc.
 
Per pudëi gestì miec la gran cëria de nfurmazions che ti ruva uni di ala scoles, ai sculeies/ala sculées y ai genitores y nce al’aministrazion provinziela iel de bujën de avëi aplicazions adatedes y flessibles, njins tecnics moderns, ma dantaldut na urganisazion efizienta.
L sistem de nfurmazion scolastich urganisatif y tecnologich che on śën ie perchël da miuré y da adaté tresora ai standard moderns. Chesc se damanda despunibltà de ressurses y cumpetënzes spezifiches, l mpëni di “servidëures” che ie dovia y nia per ultim na culaborazion trasversela y urganisativa sistematica y bona de crië y de se nuzé de sinergies. 
 
L portal dl Sistem de nfurmazion scolastich ie na nsci tlameda „tofla digitela”, chësc uel dì na plataforma per la comunicazion di genitores, di sculeies/dla sculées, di nsenianc/dla nseniantes y di secretariac dla scoles cun l’aministrazion provinziela y dantaldut cun l raion nfurmatich dl’aministrazion.
Cun chësta plataforma abinen adum bujëns da tramudé te mesures cuncretes y de utl, bones de crië n valor njuntà per dut l sistem dla istruzion y furmazion dla Provinzia Autonoma de Bulsan Südtirol. 

Pra la usc dl menù “proiec” iel repurtà nfurmazions d’aprufondimënt sun la mesures nviedes via.
 
L Sistem de nfurmazion scolastich ie unit svilupà y purvà ora tl cheder dl proiet „SIS – nëus cunlion persones“ finanzià dal Fond Soziel Europeich: tl tëmp de trëi ani à i partner defrënc tëut ite plu che cëntycincanta reprejentanc dl sistem Istruzion y Furmazion de duta la trëi grupes linguistiches, per relevé i flusc de nfurmazion, se pensé ora i pruzesc, analisé i ponc de forza y de deblëza y proieté l ntervënt de miuramënt.
 
N rengraziamënt particuler ti va ai “servidëures” lezitënc dovia, a chëi che ti mbincion nce per l daunì bon lëur y che i arjonje i traverc dl Sistem de nfurmazion scolastich.