Atualità
-
Sustenì prudoc biologics
USP – Sensibilisazion de viers de prudoc biologics: chësc ie la mira dl program per l crëscer y viver de prudoc bio che (ncuei) ai 13 de dezëmber ie unì azetà dla Jonta provinziela. L program dëssa unì metù n drova nchin de lugio de n auter ann.
-
Reforma dla scola auta ladina
USP – La reforma dla scola auta per la trëi grupes de rujeneda ie (ncuei) ai 13 de dezëmber stat l argumënt zentrel dla senteda dla Jonta provinziela. Tla cunferënza stampa à l presidënt dla Jonta provinziela nce nunzià vel mudazions n cont dl plann de spartizion y la ndicazions provinzieles ie nce unides tratedes spezificamënter per la scoles autes ladines. Cun l ann de scola nuef uniral te duta la scoles autes ladines tenì doi ëura de Ladin.
-
1,2 milion per la Cultura Ladina tl ann 2010
USP – La Cunsulta provinziela ladina à dat pro l’ultima pert di cuntribuc da chëst ann per mantenì la cultura ladina. Lies, artisc’ y istituzions che lëura y cura la Cultura ladina giapa tres l Assessorat ladin dla Provinzia de Bulsan de ndut 1.238.697 euro. La spartizion de chisc cuntribuc ie dassënn granda.
-
Cianties d’Avënt ladines fej ancunté la grupes de rujeneda
USP – L cunzert d’Avënt ciantà y sunà da ladins tl Dom de Bulsan, à nsnuet (10 dezëmber) pità mumënc alternatives al gran busiamënt cumerziel dla zità. L publich che à respundù te na gran cumpëida al nvit dl Assessorat provinziel ladin à ancuntà i ladins mparan a cunëscer si cultura musichela de viver l avënt.
-
Scolina ladina valuteda dala revista naziunela Gulliver
USP – La revista Gulliver, una dla zaites per l nfanzia plu cuotedes a livel naziunel à te si ultima edizion dedicà na gran lerch al federalism dla scoles fajan referimënt ala scolina ladina.
-
Stiera da diretëura/diretëur tla scolina ladina
USP – L’aministrazion provinziela à scrit ora n cuncors per la stiera da diretëura/diretëur dla scolines ladines. La dumandes per fé pea l cuncors possa unì mandedes ite nchin mierculdi 29 dezëmber tl Ufize de urganisazion dla Provinzia de Bulsan.
-
Resultac dl studi PISA y pruvedimënc
USP – I resultac sun la cumpetënzes di sculeies, aldò dl’analisa nternaziunela PISA ie nce unic analisei per la provinzia de Bulsan. I respunsabli dla scoles à (ncuei) 9 dezëmber prejentà la prima pert di resultac selezionei. I sculeies tudësc ie sëura la media OECD tl liejer, i taliani, n fruz dessot. I resultac PISA spezifics per i sculeies ladins muessa mo unì selezionei. I assessëures ala scola à detlarà de ulëi tò pruvedimënc per auzé i obietives.
-
Sotscrì la candidatura per la capitela europea dla cultura
USP – “Fajon pea chësc proiet de candidatura ajache son dla cunvinzion che la defrënzes a n valor y ajache l ie debujën de fé promozion dla particulariteies de nosc raions te n tëmp che l vën rujenà scialdi de globalisazion”. Cun chësc pensier à l presidënt dla provinzia Luis Durnwalder ncuei (prim dezëmber) sotscrì a Unieja l documënt per ufizialisé la candidatura dl Nordest dla Talia per la Capitela europea dla cultura 2019.
-
Ladins anconta Bulsan tres cianties d’Avënt
“La jënt ladina anconta l’autra cultures a Bulsan tres cianties d’Avënt”: ucajion de na tel ancunteda pieta l Assessorat provinziel Ladin ai 10 de dezëmber cun n cunzert d’Avënt tl Dom de Bulsan. Sies cores y grupes ladines dajerà esprescion a si maniera de viver l’Avënt, tl cuntest dla cultura ladina.
-
Jonta provinziela: sëurandé stieres tres la Ntendënza
USP – La stieres per nsenianc ne unirà nia pu sëurandates dala direzion dla singula scoles, ma zentralmënter dala Ntendënza scolastica. “A chësta maniera saral mesun avëi na miëura coordinazion y na sëurandata dla stieres plu efizienta” à dit l Presidëntt dla provinzia. Nsenianc dla segonda rujeneda possa provisoriamënter giapé na stiera dl’autra garaduatoria.