Atualità

USP - Da n valgun ani incà iel ti luesc plu alauta dl’Engiadina na scola paritetica. Da permò ie i diretëures dla scoles ladines jic a vijité chësta scola per ancunté i respunsabli.

USP - La Jonta provinziela à dat pro la furmazion dla tlasses y la cumpëida de nsenianc tla scoles dla trëi grupes de rujeneda. Tla valedes ladines, cun si pitli luesc uniral fat tlasses cun manco sculeies permez ala scoles ti majeri luesc y tla ziteies.

USP - La ntegrazion de sculeies che vën da families imigrantes se damanda n gran lëur pedagogich. Tla scoles ladines ie chësta ntegrazion mo plu mpeniativa davia che la mutans y i mutons de imigranc muessa unì alfabetisei no me te una, ma te trëi rujenedes.

USP – Nchin ala fin de mei possa duc i nteressei mandé ite stories adatedes a jëuni y jëunes per l cuncors de leteratura ladina scrit ora dal Ufize provinziel per la Cultura Ladina. Cun pesc’ per na soma de 6.000 euro y la publicazion di scric te n liber sustën la Provinzia de Bulsan l scrì tla rujeneda ladina.

USP – I 50 ani dala “nuet di fuesc” dëssa pité ucajion per se de ju cun nosta storia y per fé na descuscion. Cun chësc pensier à la Jonta provinziela (ncuei) ai 2 de mei dat pro de mëter a jì na sëira de descuscion ai 9 de juni 2011.

USP – La vijita ala scoles ladines da pert de na grupa nternaziunela tl ciamp dla furmazion ti à dat gran crëta per realisé l’inuvazion tla furmazion de sculeies cun handicap scrita dant dala Union Europa. Ntan ancuntedes a Sarns y vijites a scoles de Urtijëi iel unì prejentà a esperc da cin nazions doi ponc stersc dla scola ladina, la metodologies de ntegrazion y l nseniamënt dla rujenedes.

USP – La Provinzia de Bulsan ie una dla pueces che ne à nia scurtà mesuns tl ciamp dla scola. Chësc ie unì ora dala tlausura dla Jonta provinziela ulache l ie unì tratà cuestions aministratives do che ie unides fates la iscrizions per l ann de scola nuef cun la reforma dla scola auta.

USP - La Biblioteca provinziala Dr. Friedrich Teßmann y la ciasa edituria Folio inviëia ala letöra d’autur cun Maxi Obexer. Ai 28 d’aurì dl 2011 lî l’auturia fora de so romann „Wenn gefährliche Hunde lachen“, che é impormò gnü publiché dala ciasa edituria Folio.

USP - Ala furmazion dla persunalità y ala furmazion tl ciamp dla materies de nseniamënt ie dedicà l program nuef di cursc che vën mo dan Pasca partì ora ai nsenianc y educadëures dla scoles y scolines ladines. Sun passa 90 plates vëniel prejentà passa 90 cursc che unirà pitei danter juni 2011 y merz 2012. Sëuraprò a chisc curs, possa nsenianc dla valedes ladines nce fé pea la furmazion piteda dai dipartimënc ala furmazion dl’autra doi grupes de rujeneda.

USP – Al valor culturel de nosc raion tla Dolomites fova dedicà l cuncors de scrì per ladin per la scoles dla provinzia de Bulsan y de Trënt. Tla trëi categuries à venciù Stefano Rizzi dla Scola auta de Poza, Maximilian Palfrader dla scola mesana de Al Plan y Emilia Bonata y Tatjana Runggaldier dl’elementera de Sëlva. La premiazion unirà tenida ai 29 de auril te Sëlva.