Atualità

USP – Ultimamënter ie la plates web dla Provinzia, la Rë zivica, unides vijiteda nchin a 30.000.000 iedesc al ann. Śën ie chësta plates unides anjeniedes nce tla rujeneda ladina. N mierculdi ai 05 de dezëmber les meterà l assessëur ladin Florian Mussner online.

USP – I tlarineć dl Cuartet “Badia” presentarà pro le conzert d’Advënt di grups ladins a Balsan l’atmosfera particolara di stromënć a fle. I cater tlarinetisć sonarà ai 14 de dezëmber tl Dom de Balsan deboriada cun ćiamò cin d’atri grups pro n conzert che s’à tut dant da presentè la tradiziun ladina de ćiantè y sonè l’Advënt.

USP – Ntan l 2012 iel tres l’Assessorat provinziel ladin unì sustenì l mpëni dla jënt per la cultura ladina cun 1.345.422 euro. La Cunsulta culturela ladina à (INIER) ai 28 de nuvëmber dat pro i ultimi cuntribuc per chëst ann. Nce sce l’aministrazion publica ie sfurzeda a sparanië, iel chëst ann stat mesun mantenì l livel de sustëni finanziel per la lies sciche l ann passà.

USP – L cianté dla mutans y di mutons se adateda particularmënter tl tëmp d’Avënt. Pra l cunzert d’Avënt de grupes ladines tl Dom de Bulsan, cianterà ai 14 de dezëmber nce l Cor di mutons de Sëlva. Deberieda cun mo cin’ d’autra grupes uniral dat demustrazion dla tradizion ladina de cianté l Avënt al publich de Bulsan.

USP – Pro le conzert d’Advënt metü a jì dal Assessorat ladin tl Dom da Balsan podaràn inće aldì le cor di ëi Col dla Vedla da Rina. Ai 14 de dezëmber ćiantarà y sonarà sis grups ladins por ti presentè al publich de Balsan la particolarité culturala ladina da ćiantè l’Advënt. Cun le conzert gnaràl inće pité na ocajiun de incuntada danter les cultures.

USP – N merdi ai 27 de nuvëmber mostra l Lizeum d’Ert y la Scola prufesciunela per l artejanat artistich si lëures, nstalazions, teatri, esperimënc, fotos y video dedichei ala mujiga. Ntan chësc di dla porta davierta puderà sculeies dla mesana, si genitores y duc i nteressei nstës udëi cie che n possa mparé te chësta doi scoles autes a Urtijëi.

USP – La dezijiun de ći fà do la scora mesana à de gran conseguënzes sön le svilup di jogn. Por tó na dezijiun val debojëgn de informaziuns sön les poscibilitês che vëgn pitades. De chësc vers sostëgn les scores altes da La Ila les families che mëss tó na dezijiun. (DOMAN) En mertesc, ai 20 de novëmber vëgnel pité na sëra de informaziun por i geniturs.

USP – Pra l cunzert d’Avënt tl Dom de Bulsan sarà chëst ann nce da audì la grupa “Trio dl’ëiles de Gherdëina“ cun Otto Dellago. De ndut cianterà y sunerà ai 14 de dezëmber sies grupes de Gherdëina y dla Val Badia per purté dant la tradizion ladina de cianté l Avënt al publich de Bulsan. La mujiga fajerà pra chësc cunzert da puent danter la grupes de rujeneda.

USP - La cultura particulera de cianté l Avënt che ie unida mantenida ti luesc ladins unirà chëst ann inò prejenteda al publich de Bulsan. Te n mëns, ai 14 de dezëmber cianterà sies grupes ladines tl Dom de Bulsan.

USP – A Roma iel chisc dis unì fat n var nuef per recunëscer la matura dla scoles ladines sciche atestat de trilinguism. I respunsabli dla Ntendënza ladina à prejentà la situazion y la pruposta dla Jonta provinziela ala Cumiscion di Sies. La Cumiscion uel proscimamënter traté la pruposta.