Atualità
La nota globala de stüde é da dè jö cina ai 31 de merz 2005
USP - Nia ma por i scolars n’é les notes d’importanza mo bëgn ince por i insegnanc de Südtirol. Döt le personal insegnënt che à arjunt so titul de stüde pro n’université tl’Austria y ô tó pert al concurs por les scores elementares, mesanes y altes dles valades ladines mëss dè jö le zertificat de reconescimënt dl titul de stüde y ince l’atestaziun dla nota globala de stüde cina ai 31 de merz 2005 pro l’Intendënza Ladina a Balsan.
Insegnanć che tol pert al concurs por la scora y che n’à nia ćiamò dè jö tl’Intendënza Ladina la nota globala por le stüde fat tl’Austria dess se dè da fà y se procuré pro l’université austriaca relativa l’atestaziun dla nota globala de stüde y la dè jö spo tl’Intendënza Ladina. Implü mëssel inće gnì dè jö le zertificat de reconescimënt dl stüde tla Talia. Por dè jö chisc documënć à, chi che tol pert al concurs oramai dan man por ciafè na professöra te na scora mesana y alta y l’abilitaziun al insegnamënt, ma plü tëmp ćina ai 31 de merz 2005. Chësc vëgn lascè al savëi dal’Intendënza ladina De plü informaziuns é da ciafè tl’Intendënza Ladina, Bindergasse 29, a Balsan (numer de telefonn 0471 417000)USP
