Atualità
Pedagogia por l’infanzia: referat te Gherdëna y tla Val Badia
Co se svilupëia pa i pici mituns, co ési pa bogn da imparè y ciünes é pa les metodes educatives plü adatades? De chëstes chestiuns rajonarà le professur Wassilios Fthenakis dl’Université da Porsenù tles incuntades sön la pedagogia por l’infanzia che gnarà tignides ai 13 de jenà a San Martin de Tor y ai 20 de jenà a S. Cristina. I referac vëgn organisà dala direziun dla scolina “Ladinia”.
Tles incunatades cun le professur Fthenakis te Gherdëna y tla Val Badia gnaràl stlarì les sfidades nöies por geniturs, educadësses y educadus dla scolina. La pedagogia por l’infanzia se conzentrëia sön mituns y mitans sot ai sis agn, sön sü geniturs y sön d’atres istituziuns che se dà jö cun de pici mituns sciöche por ejëmpl la scolina. Ai 13 de jenà 2005 dales 20.00 podaràn ascutè sö le professur Fthenakis tl Istitut ladin “Micurà de Rü” a San Martin de Tor y ai 20 de jenà 2005 dales 20.00 tl salf comunal de S. Cristina. Chisc referać vëgn metüs a jí dala direziun dla scolina “Ladinia” y vëgn tignis por todësch. Dötes les porsones interessades po tó pert debann.USP
