Atualità
Sostëgn ala cultura: domandes anter i 31 de jenà 2005.
USP - L'Assessur ladin Florian Mussner recorda che les domandes por n contribut provinzial por ativitês y investiziuns culturales, por artistes y artisc, y por l'ativitè de formaziun en general, mëss gnì dades jö anter i 31 de jenà 2005.
Ënć, uniuns y porsones singules che à n'ativité tl ćiamp dla cultura po damanè do n contribut por ativitês y investiziuns culturales. Al é inće preodü contribuć por la formaziun en general (p.ej. contribuć por les spëises de stampa).Inće artistes y artisć che à la residënza te Südtirol po fà domanda de contribut. Al vëgn sostignì publicaziuns, mostres y i. i., sciöche inće la formaziun y le perfezionamënt dles artistes y di artisć jogn sot ai 30 agn.
Les domandes é da dè jö anter i 31 de jenà 2005. I formulars dles domandes é da ciafè sön la plata internet: www.provinz.bz.it/cultura-ladina o tl Ofize cultura y scora ladina, Bindergasse 29, Balsan, Tel. 0471 417020/10.
USP
