Atualità
Dumandes de nseniamënt tla scoles ladines nchin ai 11 de juni
USP – Nchin ai 11 de juni 2004 possa nsenianc che ulessa nsenië tla scoles elementeres, mesanes o autes ladines de jù la dumanda per unì tëut su tla listes per l ann de scola 2004/05. L ntendënt ala scoles Roland Verra lecorda nce che la listes provisories unirà publichedes ai 15 de lugio 2004.
Per pudëi unì tëut su tla listes dla scola muessen avëi i presuposc per l livel de scola che n ulëssa nsenië. Nsenianc che ie bele sun la listes definitives possa scrì tla dumanda sota cë direzion che i laurëssa gën. Aldò di ponc che i à sun la listes definitives passeran pona sun la listes dla singola direzion. Autri nsenianc che à fat l ejam per nsenië o l studi aldò, possa damandé per na stiera de suplënza te un o l auter livel de scola. Te chësc cajo possen de sëura nchin a diesc dierzions sota chëles che n laurëssa gën. La dumandes muessa unides dates ju pra chëla direzion che n lëura al mumënt. Per maestri che ne lëura sën mo nia o che lëura ora dl Südtirol, ne iel nia muele te cëuna scola dla provinzia che i da jù la dumanda.Tla direzions iel nce da giapé l formuler per fé dumanda. L ie sëuraprò nce puscibl de se lascé mëter tl medem tëmp sun la listes dla scola ladina, tudëscia y taliana. I cuntrac a tëmp muessa uni fai cun la singula direzions. N’ezezion vëniel fat per nsenianc dl’elementera che fina i studi tl’università de Bulsan ai primes de lugio 2004. Chisc possa mo de jù la dumanda nchin ai 7 de lugio 2004. La listes de scola provisories unirà dutes publichedes deberieda. La listes definitives per l ann 2004/05 unirà pona publichedes ai 15 de lugio 2004. Do l tëmp per recalmazions unirà la listes pona publichedes mo n iede definitivamënter ai 30 de lugio 2004.
Nfurmazions plu avisa sun l sistem dla listes de scola ie da giapé da Carla Pedevilla al numer de telefonn 0471-41 70 15. Per la scoles mesanes y autes ie Paolo Tasser la persones de riferimënt, si numer de telefonn ie l 0471-41 70 18.
USP
