Atualità
Senteda dla Consulta Ladina per i Jëuni
USP – La Consulta Ladina per i Jëuni à pra si ultima senteda dat l bensté sun l cuntribut per frabiché l zënter nuef per jëuni, ert y cultura a Urtijëi. A una se à l cunsëi de consulënza per cuestions di jëuni ladins nce mustrà per l program de atività y nvestizions.
L frabiché dl zënter nuef per jëuni, ert y cultura a Urtijëi ie per la Consulta Ladina per i Jëuni un di ponc de majera mpurtanza per l ann 2004. Per l ansciuda iel udù dant de mëter man cun i lëures de zaré jù y fé su da neuf la cësa dla Lia Mostra d’Ert, sun plaza S.Antone a Urtijëi. Te si ultima senteda à la Consulta dat si bënsté sun mo d’autri cuntribuc per chësta frabica. L cumité cun la presidënta Michaela Taibon se à nce mustrà a una cun l program de atività y nvestizions per l ann 2004. L ie nce unì tëu’ tres la dumandes che la lies y i chemuns ladins a mandà ite tl Ufize Provinziel di Jëuni. La gran pert dla dumandes per cuntribuc à gaipà n benstè positif. Dantaldut dëssa i mesuns finanziei unic adurvei per ativiteis cultureles y de tëmp liede per i jëuni tla valedes ladines. Per rejons de tëmp ie la discuscion sun la pruposta de lege sun la defendura di jëuni, che n ie tl lëur de lauré ora, unì sburdleda ala proscima senteda.USP
