Atualità

Scora / Cultura | 31.03.2004 | 18:09

Premiazion dl cuncors ladin „Premia flus d’aisciöda“

LPA – Barbara Tavella che à venciù l cuncors per artisc jëuni ladins „Premia flus d’aisciöda“ ie ncuei, mierculdi 31 de merz unida premieda a Bulsan dal assessëur ladin Florian Mussner. Ad’ëila ti vëniel dat la puscibltà de mëter ora si lëures a Bulsan. A chësta maniera giapa Tavella la puscibltà de lascé udëi si lëures y nsci n pue’ de ert ladina a n majer publich, à dit Mussner.

Tres l cuncors „Premia flus d’aisciöda“ dëssa i artisc’jëuni ladins unì motivei a ji inant sun si streda dl’ert. Chësc cuncors ie unì metù a ji dal Dipartimënt per la Cultura Ladina dla Provinzia de Bulsan. La giuria metuda adum da Josef Irsara, Franz Irsara, Franz Kehrer, Hermann Josef Runggaldier y Bruna Senoner à cialà tres i curiculum y i lëures de 15 artisc jëuni valutan Babara Tavella sciche prima dl cuncors. Danterauter iel unì valutà l’esprescion, la cumposizion, la creatività y l’inovazion à speigà l presidënt de giura Josef Irsara. Tavella lëura cun fotografies y techniches nueves. Justa la maniera de relaism dla fotos ti à plajù ala giuria, nscì Irsara. L assessëur Mussner à laudà l’esprescion persunela y si capazità de dé inant mpulsc de pesc tres si lëures. La creatività artistica, che ti ie data a truep ladins, dëssa nce unda comunicheda oradeca, nsci Mussner. Do chësta vijion à l’artista jëuna da La Ila ora dl pest de 5.000 Euro, nce giapà la puscibltà de mëter ora si lëures te na mostra. Tavella giapa a nscì l mesun de mëter ora si lëures, y de cër verlch nce cultura ladina, a n majer plublich, minova l Assessëur. I lëures de Barbara Tavella sarà da udëi de fauré 2005 tla galaria Prisma a Bulsan.

USP

Galaria dales fotografies