Atualità
Presentaziun dla revista scientifica „Ladinia"
Usp - En sabeda ai 14 de forà gnaràl tignì na conferënza stampa a Balsan por presentè le numer XXVI XXVII dla revista scientifica "Ladinia“. L 'Istitut Ladin "Micurà de Rü " inviëia ala presentaziun.
La conferënza stampa da en sabeda ai 14 de forà dales 10,30 tl Palaz dla Provinzia 1 (str. Crispi 3, Balsan) olache al gnarà presentè le numer XXVI XXVII dla revista scientifica "Ladinia" gnarà tignida en presënza dl assessur ladin Florian Mussner. La revista vëgn dada fora dal Istitut Ladin "Micurà de Rü " y cöi adöm de plü articui che reverda le monn ladin. Les tematiches va dala linguistica, al ' archeologia, storia, ert, leteratöra, musiga, tradiziuns y usanzes y.i.i. Le pröm numer é gnü fora tl 1977 sot ala direziun dl dr. Lois Craffonara, le diretur da inlaôta dl Istitut Ladin "Micurà de Rü“. Tl 2003 é la direziun dla revista passada al dr. Leander Moroder. Le numer XXVI XXVII se presentëia cun n cuertl nü y po mostrè sö n comitê scientifich metü adöm da professurs y studià renomà de deplü paîsc che se dà jö cun tematiches che reverda le monn ladin. La revista te deplü lingac se adressëia nia ma a n publich dl post y rapresentëia n stromënt de valüta por aprofondì tematiches atuales che reverda la realté ladina.I rapresentanc di media é invià
en sabeda ai 14 de forà dales 10,30
tl Palaz dla Provinzia 1 (str. Crispi 3, Balsan)
ala confërenza stampa y de reportè te sü media.
USP
