Atualità
La Consulta Culturela Ladina nueva ie nciarieda
La Jonta provinziela à tla senteda de n (ncuei) merdi ai 26 de merz numinà i/la cumëmbri/es dla Consulta Culturela per la grupa de rujeneda ladina
La Jonta provinziela à tla senteda de n merdi ai 26 de merz numinà i/la cumëmbri/es dla Consulta Culturela per la grupa de rujeneda ladina per chësta legislatura. La pruposta ie unida fata dal assessëur per la cultura ladina Daniel Alfreider. La Consulta Culturela dà ju si arac per cuestions cultureles y artistiches y per dumandes de cuntribut, for per si grupa de rujeneda. L presidënt dla Consulta Culturela Ladina ie l assessëur per la Cultura Ladina Daniel Alfreider, che sotrissea che "la cumëmbres y i cumëmbri numinedes/i, l se trata avisa de Konrad Tavella, Ludwig Rindler, Adelheid Lara Moroder y Maria Teresa Mussner, à n savëi spezifich tl ciamp dl’ert y dla cultura y cunësc nce a puntin l mond culturel y artistich ladin".
Tla legislatura passeda ova la cumiscion dat ju si minonga n con‘ de de ndut 567 dumandes de cuntribut per i pruiec culturei y artistics anuei per l sustëni de Cores y Mujighes y n generel de lies che à te si finamira l mantenimënt y l svilup dla rujeneda y cultura ladina, dla mujiga y dla poejia. Te chësta cumpëida iel nce laite la dumandes per nvestimënc y coche dit per pruiec artistics. L assessëur Alfreider rengrazia duc i/la cumëmbres dla Consulta Culturela che se à inò metù a despusizion, dantaldut pra Christa Kasslatter per si lëur y mpëni desmustrei ti cin‘ ani passei per la cultura ladina. L assessëur ladin ti dà nscila n bënunì ala cumëmbra nueva dla Consulta Culturela Ladina, Maria Teresa Mussner, diretëura dl Lizeum d’Ert cun Scola Prufesciunela per l Artejanat Artistich "Cademia".
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/mac/dl
