Atualità
Consulta culturela ladina: cumëmbra nueva
La Jonta provinziela à mudà ora na cumëmbra dla consulta culturela per la grupa linguistica ladina. Lara Moroder tol da śën inant ite l post de Sabine Piazza.
Tl 2019 ova la Jonta provinziela numinà i cumëmbri y la cumëmbres dla consulta culturela ladina per l tëmp dla legislatura. Sën an messù mudé ora na cumëmbra. La Jonta provinziela à ncuei (15 de merz) dat si cunsëns n chësc cont. Mpede la storicra Sabine Piazza de Urtijëi sarà da sën inant la nsenianta y esperta de cultura Adelheid Lara Moroder de Urtijëi cumëmbra de chësc organ consultif.
La consulta culturela ladina cunsieia la Jonta provinziela n cont dla politica culturela y sun i cuntribuc dla provinzia per l’ert y la cultura dla grupa linguistica ladina sota si presidënt, l assessëur per la furmazion y cultura ladina Daniel Alfreider. Chësc organ consultif ie udù dant dala lege provinziela per l’ativiteies cultureles nr. 9/2015 per la ndividuazion dla vijions de politica culturela de uni una dla trëi grupes linguistiches te Südtirol.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/nst
