Atualità
Ejam de ladin dl’Intendënza ladina: Secunda sesciun ordinara d’ejam
La proscima sesciun por dé jö l'ejame de ladin dl'Intendënza scolastica ladina é de otober dl 2021. An pó se scrí ite cina ai 27 de setëmber dl 2021.
La Direziun provinziala Scolines y scores ladina lascia alsavëi che la proscima sesciun por dé jö l’ejam de ladin dl’Intendënza scolastica ladina gnará a se le dé de otober 2021. Le termin por dé jö les domandes de amisciun ala secunda sesciun ordinara dl ejam 2021 toma dales 12:00 di 27 de setëmber dl 2021.
La proa scrita dl ejam gnará fata ai 18 de novëmber dl 2021.
Les domandes de amisciun al ejam mëss gní fates cun le formular aposta che é da ciafé te vigni direziun de scolina y scora, sön la plata web dl’Intendënza y Cultura Ladina tla seziun dles zircolares y tles injuntes de chësta comunicaziun.
Le formular mëss gní mené al’Intendënza y Cultura Ladina, strada Binder 29, 39100 Balsan, email: intendenza-ladina@provinzia.bz.it, PEC: culturayintendenzaladina@pec.prov.bz.it.
Les candidates ametüdes y i candidac ametüs vëgn informades/informá personalmënter sura i dis y la sënta dl ejam.
Tan inant che al é n numer minim de 4 partezipantes y partezipanc, mët l’Istitut Ladin “Micurá de Rü“ a jí cursc debann por se arjigné al ejam de ladin; le calënder di cursc é injunté a chësta comunicaziun. Les candidates interessades/i candidac interessá pó ince se informé diretamënter pro l’Istitut Ladin “Micurá de Rü” sot ai numeri de telefon 0474 523110 o 0471 794268.
Injuntes (ZIP-File)
- Zircolara nr. 14: Ejam de ladin dl’ Intendënza scolastica ladina aladô dl art. 12 dl DPR di 10.02.1983, nr. 89, y dl art. 11/ter dla Lege Provinziala di 19.05.2015, nr. 6
- Domanda por podëi dé jö l’ejam de ladin
- Calënder dl curs de ladin gherdëina per l ejam de ladin dl’Intendënza ladina ntan l autonn 2021
- Calënder dl curs de ladin dl’Intendënza ladina por l’ejam de ladin dla Val Badia 2021
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/usp
