Atualità
Scora ladina: i laurs por la rëi a banda leria vá inant
Te trëi scores ladines él gnü ativé incö ai 12 de novëmber le coliamënt ala rëi a banda leria cun internet asvelt. L'assessur Alfreider: "Amplié l'oferta digitala"
Les scores altes y la scora mesana “Tita Alton” da La Ila y la scora elementara “Janmatî Declara” a San Ciascian é incö (12 novëmber) gnüdes tacades ite ala rëi a banda leria. Insciö ciafa les strotöres scolastiches n coliamënt internet plü asvelt y zënza interuziuns. L’assessur por la formaziun ladina Daniel Alfreider á sotrissé: “Cun i coliamënc digitai arjignunse ca nostes scores por le dagní. I ti dun na gran importanza a na oferta digitala plü ampla che röies te vigni paîsc y te vigni scora, deache insciö cheriunse les dërtes condiziuns y le know how che an adora por le dagní.“ D’atri vari gnará fac proscimamënter dl vers dla formaziun dles insegnantes y di insegnanc y di scolars y scolares, dij Alfreider.
Cina sëgn ân adoré tles scores n coliamënt tradizional ADSL. Le coliamënt nü é gnü realisé dala Repartiziun Informatica en colaboraziun cun l'Intendënza ladina. De plü coliamënc ala rëi a banda leria dess gní fac tles scores proscimamënter.
USP/rc
Galaria dales fotografies
