Atualità
CD-ROM dl vocabuler ladin vën presentà ai 17 de dezëmber
Usp – Pra l vocabuler „tudësch – Ladin de Gherdëina“ iel unì fat na CD. L Istitut Culturel Ladin „Micurà de Rü“ l presenterà n mierculdi ai 17 de dezëmber 2003, n presënza dl assessëur ladin Florian Mussner, tla Scolina nueva Salieta a Urtijëi.
Cun l aiut dl CD-ROM nuef iel mesun fé la traduzion de paroles tres l sistem drët asvelt dl computer. Tla forma stampeda dl vocabuler de Marco Forni fovel nchinamo me puscibl abiné la verscion ladina de paroles tudësces. Cun la CD iel nce mesun de crì la verscion tudëscia de paroles ladines. Chësc mesun de traduzion nuef unirà presentà n mierculdi ai 17 de dezëmber dala 18.00 n presënza dl assessëur ladin Florian Mussner. Tla scolina Salieta a Urtijëi saral te chësta ucajion nce da audì pec de mujiga purtei dant da Georg Malfertheiner, Priska Malsiner, Vinzenz Senoner y Heidi Stuffer.I rapresentanc di media ie nviei ala presentazion dl CD-ROM,
n mierculdi ai 17 de dezëmber dala 18.00
tla scolina Salieta, tla streda Roma 4 a Urtijëi,
y dl purté ti media.
USP
