Atualità
Ejam de ladin dl’Intendënza ladina: Iscriziuns cina ai 18 de jená
Cina ai 18 de jená 2019 pó les insegnantes y i insegnanc se scrí ite al ejam de ladin dl’Intendënza.
Les insegnantes y i insegnanc che ó gní tutes/tuc sö tles gradatöres por insigné tles scores elementares, mesanes, altes, profescionales o de musiga y tles scolines dles valades ladines mëss superé l’ejam de ladin organisé dal’Intendënza ladina a Balsan.
La proa scrita dl ejam gnará fata ai 11 de forá 2019 dales 9:00. La domanda mëss gní fata cun le formular aposta che é da ciafé te vigni direziun de scolina y scora y che mëss gní mené al Departimënt Educaziun y Cultura Ladina, strada Binder 29, 39100 Balsan. Le termin por dé jö la domanda toma dales 12:00 en vëndres, ai 18 de jená 2019.
L’Istitut ladin “Micurá de Rü“ mët a jí te sües sëntes cursc por se arjigné al ejam de ladin. I candidac interessá/les candidates interessades pó se informé diretamënter pro l’Istitut Ladin “Micurá de Rü” (sënta te Sëlva 0471- 794268, sënta a San Martin de Tor 0474 - 523110). Le curs é debann.
Por de plü informaziuns sön l’iscriziun y les modalités dl ejam prëibel vijité la plata internet dl’Intendënza ladina: http://www.provinzia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=621459
USP
