Atualità
Dala Junta: Sostituziun de n mëmber dla comisciun de ejam dl ladin
La Junta provinziala á aprové incö la nominaziun de Monica Moroder sciöche mëmbra nöia dla comisciun d’ejam de conescënza dl ladin.
Por podëi rové tles gradatöres dles scolines, scores elementares, mesanes, altes, profescionales y de musiga dles localité ladines él nezesciar por i insegnac y les insegnates da avëi fat l’ejam de conescënza dl ladin dl'Intendënza ladina. Chësc ejam vëgn organisé da pert dl Departimënt Educaziun y Cultura ladina. Incö ai 16 de jená á la Junta provinziala aprové la sosituziun de n mëmber efetif dla comisciun de verificaziun dla conescënza dl ladin. Al se trata de Monica Moroder, direturia dl Istitut Tecnich Economich Raetia da Urtijëi, che sostituësc Bruno Senoner che é jü en ponsiun. L’assessur ladin s'anüza de chësta ocajiun por rengrazié Bruno Senoner por le laur fat y ti fej les mius aodanzes a Monica Moroder por na buna colaboraziun tl dagní.
I atri comëmbri dla comisciun é Albert Videsott (presidënt), Edith Ploner (vize-presidënta), Leander Moroder, Magdalena Miribung y Monika Senoner.
USP
