Atualità
Trilinguism, 20 tesc nüs por l'ejam de ladin
L'Istitut Micurá de Rü á lauré fora 20 tesć nüs por i ejams de ladin. Da atira dan man.
L’ejam de ladin tl format europeich vëgn fat da agost incá y é ormai deventé n’usanza pro le Sorvisc Ejams de bi- y trilinguism dla Provinzia de Balsan. I candidac di liví A, B y C mëss fá na proa da d’ascuté sö, na proa scrita y na proa a usc olache al vëgn ince preodü la comprenjiun de n test. L’ejam dl livel D indere é metü adöm da na pert a usc, n test da ascuté sö y de comprenjiun dl test. Pian ia dal 1° de jená á l'ejam de ladin material nü por mirit de 20 tesć laurá fora dal Istitut de cultura ladina Micurá de Rü che röia pormez a chi che ê gnüs metüs a desposiziun por la reforma di ejams.
I tesć nüs reverda tematiches desvalies aladô di argomënc fissá dal CRLEC (Cheder de referimënt europeich en comunanza por i lingac); i ejams de ladin vëgn fac trëi iadi al mëis y al tol pert vigni iade zirca vint porsones ai ejams de liví desvalis. "La comisciun ladina – vëgnel splighé dal Sorvisc Ejams de bi- y trilinguism – s’á ausé ite al ejam nü bun y l’aplichëia cun sodesfaziun. Ince i candidac á tut sö bun chësc mudamënt, che vá a öna cun i azertamënc linguistics internazionai: i numeri dles porsones passades confermëia che le ladin é n lingaz amé y che vëgn imparé ion".
USP
