Atualità
Biblioteca Teßmann, sëra de letöra cun Sepp Mall
Ai 19 de setëmber vëgnel organisé dales 20:00 na sëra de letöra cun l’autur de Maran Sepp Mall ala biblioteca Teßmann de Balsan.
„Hoch über allem“ (Alalt sura döt): chësc é le titul dl roman nü de Sepp Mall, scritur da Maran de 55 agn, che presentará süa publicaziun nöia
en mertesc, ai 19 de setëmber
dales 20.00
tla biblioteca provinziala Teßmann
strada Armando Diaz 8
a Balsan.
Le liber nü trata de na storia de n pere y de na fia cuntada cun tröp sentimënt – y n amur passé: Jakob é en vacanza da d’invern cun süa familia canche al vëgn arjunt da na telefonada che al ne s’aspetâ nia: Emma, süa möta albüda da na relaziun da denant é al telefon, süa uma é te ospedal a ciasa tl Südtirol. Atira va tramidui, Jakob y Emma deboriada iló por savëi ci che al ti é sozedü a Maria. Le pere davagna zoruch, cun prudënza mo insistënza, la möta che al minâ d’avëi pordü sön le iade tl Südtirol. Y, sciöche an vëgn alsavëi da recorc dl passé, êl sté n gran amur - Maria, che â porvé laota che ara ê na te studënta a Viena da ti sciampé a so daciasa da paur da munt .
Plëgn de sentimënt descrí Sepp Mall ciaran zoruch al passé le portrait de na jona fina danter vita da paur dl Südtirol y ambiënt da studënt de Viena; intratan ti é n pere tl presënt ala destanza da süa möta – dui iadi intravaiá danter d’ëi che Mall cunta cun n’insistënza lisiera. Sciöche tan gonot te sü romans cuntel cun förtl dles pices scassades tles relaziuns danter les porsones: scassades, che fej ciancanté da n momënt al ater la segurëza, te chëra che an se naina.
Sepp Mall é nasciü dl 1955 a Graun tla Val Venosta. Al vir y laora a Maran sciöche autur y maester. Al scrí dantadöt lirica y romans, al laora ince sciöche tradutur y á ince scrit toc da ascuté sö y toc de teater.
La introduziun y moderaziun sará de Katrin Klotz (Südtiroler Künstlerbund)
Info: www.tessmann.it
USP
