Atualità
Löm vërda dala Junta por le program anual dl Sorvisc Jogn ladin
La Junta provinziala á aprové ai 14 de merz le program anual 2017 por la promoziun dl sorvisc jogn dl grup linguistich ladin. Investimënc de indöt 442.000 euro.
Aprovaziun da pert dla Junta provinziala al Plann anual 2017 por la promoziun dl Laur por la jonëza dl grup linguistich ladin de Gherdëna y dla Val Badia. „La promoziun dl laur por la jonëza é öna dles fondamëntes prinzipales por la formaziun dles jones y di jogn, por che al sides poscibl da costruí na rëi soziala sterscia y por mët a desposiziun n’oferta rica de ativités de formaziun", iniscö Mussner. Tles valades ladines, sciöche te döt Südtirol, dess l’obietif dla promoziun por la jonëza ester chël da costruí na rëi soziala stabila por avëi jogn responsabls y independënc cun n’odüda dl monn daverta, spliga l’assessur Mussner.
Un di punc zentrai dl plann é l’ampliamënt, aredamënt y la dotaziun dles infrastrotöres dl sorvisc jogn. Por ci che reverda la promoziun dles infrastrotöres dl Sorvisc Jogn por le grup linguistich ladin ti vëgnel dé la priorité al renovamënt di ofizi dl Sorivsc Jogn a San Martin de Tor y ala restrotoraziun di locai por i jogn a La Val. Al vëgn implü sostigní la costruziun y l’aredamënt di locai por i jogn, la dotaziun ales assoziaziuns che laora tl Sorvisc ai Jogn dles döes valadaes cun n’atrzadöra por l’ofize cun computeri y mesi audiovisifs. Por la realisaziun y l’aredamënt dles infrastrotöres tl Sorvisc jogn por le grup linguistich ladin él preodü 58.980 euro.
Un di fauturs importanc dl program é ince la promoziun dl’ativité, i programs y le laur a proiet. Le plann prevëiga ince la poscibilité da ti conzedé contribuc straordinars, sciöche ince chëra da adoré personal pedagogich spezialisé tles organisaziuns joniles, ti sorvisc ai jogn y ti zëntri dla jonëza. Por la pomoziun dles ativités y di programs él preodü indöt 372.226 euro sot forma de contribuc. N ater aspet important é chël dla realisaziun de archirides scientifiches. En ajunta él ince le Departimënt Scora y Cultura ladina che pita n program aposta che tól ite iadi de stüde por i colaboradus di sorvisc, la partezipaziun ala Rëi Euro Desk che reverda i prorgams dl’Uniun europeica, i laurs dla Consulta Jogn y tröp d’ater. Por chësc program dla Repartiziun 18 él preodü n investimënt de 11.436 euro.
USP
