Atualità
Biblioteca Teßmann: “Ci che scrí n drama ó dí”
A na sëra sön co scrí n drama inviëia la Biblioteca dla Teßmann y l’Ofize linguistich dl Istitut cultural en vëndres ai 4 de novëmber a Balsan.
Bele da generaziuns incá él i pici sföisc ghei dla Reclam che caraterisëia le pröm contat scolastich cun le drama. Canche an se dá jö por le pröm iade cun le teater él por le plü la parora, nia la rapresentaziun teatrala. Mo scrí por le teater ne n'ó nia dí scrí libri, mo bëgn tesć che é adatá por deventé n avenimënt teatral. Ara se trata da traspone sües stories te n scenar, che ciafa forma sön paladina. Ti rové pormez al drama tres la letöra é sciöche sce an ti ciarass ala musiga ma coche partitöra.
Tla seria nöia de manifestaziuns "Impulsc de lingaz y cultura" baiará John von Düffel de ci che desfarenziëia sostanzialmënter le scrí dramesc y le scrí te prosa, ince sce i confins stari danter i genre leterars se desfanta tres deplü. John von Düffel é n autur conesciü de romans, toc de teater y essays y laora sciöche dramaturgh pro le Deutsches Theater Berlin. Tl cheder de tröpes professöres sön cherdada y professöres de poetica insëgnel le scrí scenich y á publiché deboriada cun Klaus Siblewski l'opera standard „Wie Dramen entstehen“.
La sëra de discusciun y d’informaziun „Parora o rapresentaziun? Ci che scrí n drama ó dí" gnará a se le dé en vëndres ai 4 de novëmber dales 20.00 inant tla Ciasa dla Cultura „Walther von der Vogelweide“ a Balsan. Le referënt John von Düffel é autur, dramaturgh dl Deutsches Theater Berlin y dozënt dl scrí scenich. La moderaziun sará de Monika Obrist, Sprachstelle (Südtiroler Kulturinstitut). La manifestaziun é organisada deboriada cun l'Ofize linguistich tl Südtiroler Kulturinstitut.
Informaziun ajuntiva: La Biblioteca Teßmann sará sciöche ince la Biblioetca Claudia Augusta davertes al publich en lönesc ai 31 d’otober.
rc
