Atualità
Liber nuef dai cursc profesciunei
OSP – L liber nuef dai cursc profesciunei cuntën duta la vela de istruzion che vën piteda dala scoles profesciuneles provinzieles danter setëmber 2003 y dezëmber 2003. L vën pità cursc y seminares che ie prizipalmënter per i ciamps dl servisc, cumerz, aministrazion, ndustria y artejanat, lëur sun l computer, soziel y gastronomia.
Tl liber iel mplu nce da abiné cursc a tëmp plënn, y cursc da fé ora de ëura, per se perfeziuné te deplu mestieres. Pra chisc cursc vëniel nce dat n diplom. N pert vën i cursc finanziei dal fond soziel europeich.L liber dai cursc profesciunei ie da giapé te duta la scoles profesciuneles provinzieles, tla biblioteches, ti ufizies per l lëur y te deplu strutures publiches. L liber dai cursc possa nce uni damandà tl ufize per la furmazion profesciunela al numer de telefonn 0471 – 41 69 15, ulachel n l giata sambën debant. L liber possa nchinamei unì apustà tres internet sota l’adres www.provinz.pz.it/berufsbildung. Sun chësta plata tl internet iel nce da cialé do duc i crusc che vën pitei. A chisc possen se scri ite online. .
OSP
