Atualità
Ejam de Ladin 2015 – Iscriziuns ćina ai 30 de jenà
Ćina ai 30 de jenà dl 2015 pol gnì dè jö les domandes por fà l’ejam de ladin por l’insegnamënt tles scolines y tles scores. Chi che é interessà a tó pert al ejam mëss fà domanda diretamënter pro le Departimënt Educaziun y cultura ladina adoran i formulars aposta che é da ciafè te vigni direziun y sön la plata web dl'Intendënza ladina.
L’ejam sön la conescënza dl lingaz ladin va debojëgn por insigné y adorè le ladin tles scolines, tles scores elementares, mesanes y altes ladines. L’ejam é partì sö te döes perts: na proa scrita y na proa a usc. Al po gnì dè jö tles döes variantes ladines dla Val Badia y de Gherdëna. Dötes les porsones che à arjunt la majera eté y insegna o à l’intenziun da insigné te na scora o scolina tles valades ladines dl Südtirol po fà l’ejam.
Les domandes d’iscriziun al ejam de ladin po gnì dades jö ćina ai 30 de jenà dl 2015 diretamënter tl Departimënt Educaziun y cultura ladina adoran i formulars aposta che é da ciafè te vigni direziun y sön la plata web dl’Intendënza ladina.
L’Istitut cultural ladin “Micurà de Rü” mët a jì cursc de preparaziun por chi che ô dè jö chësc ejam. Informaziuns avisa pon ciafè diretamënter pro l’Istitut ladin „Micura de Rü“ (sënta de Sëlva 0471 / 794268, sënta a San Martin 0471 – 523110). I cursc é debann. A che che po fá l’ejam ti gnaràl lascè alsavëi le dé y le post dla proa scrita.
Plü informaziuns pon ciafè chilò: http://www.provincia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=480378
rc
