Atualità
Istituziuns y barieres linguistiches: referat tla Teßmann
„Barieres linguistiches: sciöche aspetatives (falades) porta a crises de comprenjiun tles istituziuns“: chësc é le titul dla conferënza publica che gnarà tignida en jöbia, ai 6 de novëmber dales 20:00 tla biblioteca provinziala dla Teßmann a Balsan. Le reladù sarà Florian Menz, linguist de provegnënza südtiroleja.
La Biblioteca Provinziala Dr. Friedrich Teßmann inviëia, adöm cun la Sozieté por le lingaz todësch/Seziun de Balsan, düć i interessà al referat de Florian Menz dal titul „Barieres linguistiches: sciöche aspetatives (falades) porta a crises de comprenjiun tles istituziuns“.
Al gnarà baiè dla comprenjiun y dles aspetatives desfarëntes che influenzëia la relaziun danter chi che baia y chi che ascuta sö. Insciö gnaràl inće analisè la comprenjiun linguistica danter le personal tles istituziuns sciöche por ej. tles aziëndes y ti ospedai, olache aspetatives (falades) porta pro a crises de comprenjiun y a regolamentaziuns de strotöres de comunicaziun. Florian Menz, professur dl'Univesitè da Viena, portarà dant süa tesa che al n’é nia strotoraziuns azentuades, mo al contrar, che formes de comunicaziun, che pê sön na pröma odüda caotiches, che dëida la comprenjiun.
Le referat dal titul „Barieres linguistiches: sciöche aspetatives (falades) porta a crises de comprenjiun tles istituziuns“ gnarà portè dant da Florian Menz
en jöbia, 6 de novëmber dl 2014,
dales 20.00
tla Biblioteca Provinziala Teßmann,
strada A.-Diaz. 8
a Balsan.
Düć i interssà é dër bel invià a to pert.
Por plü informaziuns: www.tessmann.it
rc
