Atualità

Scora / Cultura | 17.09.2014 | 10:20

Schläft ein Lied: Presentaziun dles poesies nöies de Sepp Mall tla Teßmann

La Biblioteca Provinziala Dr. Friedrich Teßmann inviëia deboriada cun le Südtiroler Künstlerbund ala letöra dl autur Sepp Mall. L’autur lî dant fora de süa racoiüda de poesies publicada dan da püch dal inom „Schläft ein Lied“.

Ći romagn pa dles contrades de na vita? Di chedri dl’infanzia? Dles impresciuns de na vita originala cun döta süa belëza y süa manćianza de misericordia? L’autur Sepp Mall ti va do a chëstes domandes te süa publicaziun nöia y tol ca n cheder indô l’ater - n jì plan, olache les poesies se mët sö öna dlungia l‘atra te n panorama poetich. Tl moscedoz de poesies plü lunges che cunta y i versc cörć s'à le autur lascè ispiré dal movimënt dl’ona danter storia y poesia. Bel plan làscel fora le prinzip dl cumpedè sö, al müda zënza fadia le tônn y mostra la varieté di ćiamps linguistics danter chi che al se möi.

Sepp Mall é nasciü dl 1955 a Graun tla Val Venosta. Al vir y laôra a Maran sciöche autur y maester. Al scrî dantadöt poesies y romans, al fej inće traduziuns y à inće fat para pro tòć radiofonics y de teater. La Biblioteca Provinziala Dr. Friedrich inviëia insciö düc i interessà ala  presentaziun dl liber de poesies nü “Schläft ein Lied” de Sepp Mall

en dedolönesc, ai 23 de setëmber dl 2014,

dales 20.00

tla Biblioteca Provinziala Dr. Friedrich Teßmann

strada A.-Diaz 8

a Balsan

tratan chëra che l’autur liarà inće fora dla racoiüda de poesies nöia. L’introduziun gnarà tignida da Katrin Klotz (Südtiroler Künstlerbund).

rc

Galaria dales fotografies