Atualità
Volontariat se paia! Damana sëgn do l'"Kulturpass" 2003 - 2005!
OSP - L'Assessur por la cultura ladina dott. Florian Mussner y la Ripartiziun cultura y scora ladina lascia alsavëi che l'aziun "Kulturpass" va inant ince tl ann 2003. L'nü "Kulturpass" po gni damanè do fina ai 31.01.2003 y vel dal 01.04.2003 por dui agn. L'"Kulturpass" dl momënt vel ciamó fina al 31.03.2003.
L’"Kulturpass"po gni damanè dales uniuns, che fej suradedot ativité culturala. N ater criter é che tla uniun i colaboradurs laores en gran pert volontariamënter, y che la uniun ademplësc a les condiziuns por gni sostegnida da la Ripartiziun cultura y scora ladina.
L’"Kulturpass"é trasferibl y po gni adoré da düc i colaboradurs dla uniun.
A la presentaziun dl „Kulturpass" conzed 49 "Kulturpass"-partner te döt Südtirol 50% de reduziun söl prisc d’entrada dles sües manifestaziuns. Tl ann 2002 á la Ripartiziun por la cultura todëscia partí fora n döt 7.400 „Kulturpässe" a dötes les uniuns.
Informaziuns plü avisa dá fora
la Ripartiziun cultura y scora ladina sot l numer de telefon 0471 26 70 28 o 0471 41 55 00. Les informaziuns po ince gni desćiariades jö da internet sot www.provinz.bz.it/kulturabteilung/kulturpass o www.provinz.bz.it/intendenza-ladina.OSP
