Atualità
Mostra “uncutted” a Urtijëi: mo n’ena leprò
La mostra de pitures de Barbara Tavella che stluj ju la lingia de mostres da instà dl Istitut Culturel Ladin y che ie da udëi tla sala dla Lia Mostra d’Ert a Urtijëi, resta davierta n’ena plu giut, nchin ai 5 de utober.
Barbara Tavella, 1972, à studià pitura tl’Academia d’ert Brera a Milan. Da plu ani se dà l’artista da La Val ju cun la pitura te na maniera sperimentela. Chësc n cont dla pitura nstëssa, ma nce n cont dl motifs. Truepa de si pitures mostra l motif dla figura feminila, ma velch nce chël de tieres.
La mostra a Urtijëi ie l resultat de na culaburazion danter la Lia Mostra d’Ert, l Istitut Culturel Ladin Micurà de Rü y la lia Ert por i Ladins. "Uncutted" ie da udëi dal merdi ala sada dala 10 ala 12 y dala 17.00 ala 19.00 tla sala dla mostres dla Lia Mostra d'Ert, sun plaza S. Antone a Urtijëi.
N sada ai 5 de utober, n ucajion dl Di dl’ert contemporanea, uniral tenì na finissage deberieda cun l’artista y n pitl aperitif. Nteressei ie nviei dala 10 ala 12 y dala 14 ala 18. (USP).
as
