Atualità
Ai 3 de setëmber iel l “Di dla Scola Ladina” a Urtijëi
Dan che scumëncia l ann de scola nuef, se anconta i respunsabli y culaburadëures dla scoles ladines n merdi che vën, ai 3 de setëmber per n danmesdì de ajurnamënt y de cuntat danter valedes ladines. L Di dla Scola Ladina vën chëst ann tenì tla scola elementera de Urtijëi. Chësc di de cunferënza unirà giaurì cun rujenedes dl assessëur ladin Mussner y dl ntendënt Verra. Ntan chësc danmesdì puderà duc i nteressei nce audì n referat sun la funzion dla valutazions di sculeies.
Nsenianc de scola, reprejentanc di genitores y aministradëures publics ie nviei a se tò dl'aurela y se de ju n danmesdì cun l ann de scola nuef. L assessëur Florian Mussner y l ntendënt Roland Verra rujenerà dla nuviteies ududes dant dala Jonta provinziela y di obietives per chësc ann de scola.
Tla segonda pert dl Di dla Scola Ladina rujenerà la prufessëura dl'università de Torino Graziella Pozzo de si ciamp de gran esperienza che ie la funzion formativa dla valutazion di sculeies.
Dlongia la moderazion dla diretëura dl raion de Urtijëi Maria Kostner, puderan nce audì pec de mujiga purtei dant da sculeies dla Scola de Mujiga de Gherdëina.
L "Di dla Scola Ladina", ai 3 de setëmber tla Cësa de cultura a Urtijëi scumencerà dala 09.00 da duman. (USP)
---
Culaburadëures di media ie nviei a chësta cunferënza
n merdi ai 3 de setëmber,
dala 09.00 danmesdì
tla Cësa de cultura a Urtijëi
y a cunedì i cuntenuc.
as
