Atualità
Cundizions (feter) valives per nsenianc de duta la scoles
Tl daunì ne dëssel nia plu vester de majera defrënzies de paiamënt di nsenianc de scoles defrëntes. L dessëni de cuntrat marciadà ora danter Provinzia y sindacac, ie (NCUEI) ai 24 de juni unì dat pro dala Jonta provinziela.
La defrënzes de paiamënt danter nsenianc de scoles prufesciuneles, scoles tecniches, scoles de mujiga o de scoles stateles dëssa unì tëutes ju. L cuntrat culetif, dat pro dala Jonta provinziela vëija dant che pra i medemi tituli de studio, vëniel nce pità l medemo tratamënt, zënza desferenzië la sort de scola ulache l vën nsenià. “Na situazion problematica ie chëla di nsenianc tecnics dla scoles prufesciuneles, che à na furmazion prufesciunela, ma deguna matura” à dit l presidënt dla Provinzia Durnwalder. Tl daunì dëssa la posizion de chisc nsenianc unì adateda ala chëi cun matura.
De ndut ie 2200 nsenianc tuchei dala nuvità, “majera per vën categurisei tl setimo livel de paiamënt, che fossa chël cun titul de matura” à spiegà Durnwalder do la senteda dla Jonta. L adatamënt di paiamënc unirà a ti custé ala Provinzia 1,2 milion de euro, leprò ruva mo feter 400.000 euro per i nsenianc dla scoles de mujiga.
“N generel sons dla minonga che l sibe na soluzion giusta, n bon cumpromis. Chësc nce ajache cun l tratamënt valivà, vëniel judà pro a n miëur barat danter nsenianc de scoles defrëntes y nsci purtà pro a lauré cun plu flessibltà” à dit l presidënt dla Provinzia. (USP).
as
