Atualità
9 de mei: terzo liber de storia per duta la grupes de rujeneda
Cun l medemo liber de storia per i sculeies de duta trëi grupes de rujeneda possel unì mparà la ravises de nosta cumenanza nce da l’auter pont de ududa. L terzo liber de storia, dedicà al Südtirol dal 1919 inant unirà n mierculdi 9 de mei prejentà a Bulsan dai trëi assessëures ala scola Mussner, Kasslatter Mur y Tommasini deberieda cun i autores.
Per l prim iede pieta n liber per duta trëi grupes de rujeneda de mparé a cunëscer miec dla storia tenian cont di pont de ududa di tudësc, di taliani y di ladins. La terza pert de chësc proiet ie dedicheda al tëmp dal 1919 nchin al didancuei. L liber ie unì scrit da na grupa de lëur cun storics de rujeneda tudëscia, taliana y ladina cumpaniei da prufessëures dl'universiteies de Dispruch y Trënt.
I assessëures ala scola Florian Mussner, Sabina Kasslatter Mur y Christian Tommasini prejenterà l liber de storia deberieda cun i autores Giorgio Mezzalira, Luciana Palla y Martha Verdorfer.
I culaburadëures di media ie nviei
n juebia, 09 de mei
dala 09:30
tla sala stampa dla Jonta provinziela, palaz Widmann, plaza Silvius Magnago 1 a Bulsan
y de fé al savëi de chësc liber de storia. (USP)
as
