Atualità
Mussner anconta reprejentanc dl Istitut culturel Cësa de Jan
USP – L assessëur ladin Florian Mussner y respunsabli dl Istitut culturel Ladin de Fedom, Luca Agostini y Moreno Kerer se à (NCUEI) ai 22 de fauré ancuntà a Bulsan per miuré i cuntac danter Fedom y Bulsan, ma nce per traté formes de sustëni y culaburazion.
La situazion dl Istitut Culturel Ladin de Fedom ne lascia nia pro tan de bona cundizions de lëur sciche tla Provinzia de Bulsan. Per pudëi garantì n sustëni al mantenimënt dla cultura ladina a Fedom, Col y Ampëz mancel dantaldut l finanziamënt publich da pert de Belun y dla region Veneto.
Tl'ancunteda danter l presidënt y diretëur dl Istitut culturel Cësa de Jan cun l assessëur provinziel Mussner se ala dantaprima tratà de pusciblteies de culaburazion y sustëni. "Ulon ruvé a na culaburazion tla realisazion di programs" à dit Florian Mussner do l'ancunteda. Acioche l posse unì laurà per mantenì y fé viver la cultura ladina sëuramont iel cuncretamënter nce unì rujenà de pusciblteies de finanziamënc da pert de Bulsan. Mussner ie te chësta ucajion nia me persona de referimënt per l Assessorat provinziel ladin, ma l à nce rujenà te si funzion da vizepresidënt dla Region Trentino - Südtirol.
as
