Atualità
Cuntroi di cuntribuc provinziei: ai 28 de dezëmber vëniel trat ala busca
USP – I cuntribuc provinziei a sustëni dla cultura muessa aldò dla lege nce uni cuntrolei. Tla Repartizion ala Cultura Ladina vëniel n vënderdi ai 28 de dezëmber trat ora 6% di benefizeres de cuntribuc dl ann 2011 che unirà pona cuntrolei.
L tré ala busca de lies, artisć o istituzions che unirà cuntroledes n cont di cuntribuc provinziei vën fat tla sënta dla Repartizion Cultura Ladina (local n. 25) tl segondo partimënt dla streda Binder 29 a Bulsan. Ai 28 de dezëmber, do la diesc danmesdì canche l vën trat ala busca, possen tl secretariat dla Repartizion Cultura y Ntendënza ladina se damandé de udëi l protocol de senteda.
as
