Atualità
Miëur paiamënt per nsenianc – Jonta provinziela da pro l cuntrat culetiv
USP – I paiamënc di nsenianc dla scoles elementeres, mesanes y scoles autes unirà adatei. La Jonta provinziela à te si senteda (da NCUEI) dl 10 de setëmber dat pro l adatamënt dl cuntrat culetiv provinziel cun n aumënt de 0,6 nchin a 1,35 percënt.
Per plu ani iel unì pustejà sun l adatamënt di paiamënc di nsenianc y ntant ie dut resta fërm. Śën iesen ruvei a una cun i sindacac de auzé i paiamënc de 0,6 percënt per l tëmp dal prim de lugio 2009 al prim de auril 2010 y de 0,75 percënt do l prim de auril che fej ora de ndut n aumënt de 1,35 percënt.
"A chësta maniera iel unì cunzedù n aumënt nchin al 2010 canche l Stat ova fermà i aumënc per nsenianc" à dit l presidënt Durnwalder do la senteda dla Jonta. L paië do di aumënc dan l 2010 ti costa ala Provinzia feter 500.000 euro.
as
Landeshauptmann Durnwalder zu den neuen Kollektivverträgen des Lehrpersonals
- Scarica il file audio 922 kb
