Atualità
Acurdanza per l’aministrazion dla scoles de mujiga ladines
USP - La Jonta provinziela ie stata a una per n’acurdanza danter l Assessëur ladin y l’Assessëura ala scoles tudësces che l’aministrazion dla scoles de mujiga ladines ne vënie nia spartida dala scoles tudësces. Al assessëur Mussner ti uniral garantì l dërt de rujené pea te cuestions urganisatives y pedagogiches.
Nchinamò ie la scoles de mujiga di luesc ladins unides aministredes dal Istitut per educazion musichela tla rujeneda tudëscia y ladina. La Jonta provinziela ova fat ora de razionalisé l sistem de aministrazion y de ntegré l'aministrazion dla scoles de mujiga ti departimënc de furmazion dla trëi grupes de rujeneda. La scoles de mujiga de Gherdëina y dla Val Badia, à per si situazion de mendranza, de mëndra cumpëides. Per mantenì l bon lauré di ani passei à la Jonta provinziela azetà che la scoles de mujiga di luesc ladins ne vënie nia spartides dala tudësces. "L ie bën drët che i ladins posse nstësc aministré si pert", à dit Durnwalder do la senteda dla Jonta, "ma l ie nce drët che l'aministrazion possa jì inant a na maniera da garantì la miëura cundizions per sculeies y nsenianc".
L'acurdanza danter i assessëures Florian Mussner y Sabina Kasslatter Mur dëssa udëi dant che la denuminazion dl'ufize de aministrazion tole ite la grupa tudëscia y ladina. L Assessëur Ladin dëssa giapé l dërt de rujené pea te cuestions de urganisazion, tla pert pedagogica y tl mëter a jì dla culaburazion.
---
Cëla nce l comunicat stampa
Scoles de mujiga ladines y tudësces deberieda - Mussner: per l bën di nsenianc y sculeies - dl 30.08.2012
as
