Atualità
Ai 28 de agost cunferënza per giaurì l ann de scola
USP – I respunsabli dl ciamp de furmazion de rujeneda tudëscia prejenterà ai 28 de agost la nuviteies per l ann de scola 2012/13. Cun chësta manifestazion uniral n prejënza dl presidënt Durnwalder y dl assessëura Kasslatter Mur giaurì l ann dla scoles tudësces y dla scoles de mujiga. Pont zentrel dla cunferënza sarà n referat dl espert de educazion Remo Largo.
La cunferënza per giaurì l ann de scola vën dantaprima metuda a jì per diretëures dla scolines, scoles y scoles autes cun scoles prufesciuneles de rujeneda tudëscia deberieda cun la scoles de mujiga de rujeneda ladina y tudëscia.
Dlongia nuviteies per la ann de scola, cun l calënder de scola nuef, zifres y nfurmazions de utl saral nce da audì n referat dal titul „Wie Kinder lernen". L dutor dai mëndri y autor de libri Remo H. Largo rujenerà sun l bujën de adaté furmazion y educazion ai bujëns dla mutans y di mutons.
La cunferënza de n merdi ai 28 de agost (dala 09.00 ala 12.00) vën tenida tla scola auta „Walther von der Vogelweide", streda Armando Diaz 34 a Bulsan.
as
