Atualità
Ai 15 de juni gëura “Panorama 4” a Franzensfeste
USP – La gran mostra de ert nueva Panorama tla Furtëza de Franzensfeste scumëncia n vënderdi ai 15 de juni. La giaurida dla sëuravijion dl’ert atuela de duta trëi grupes de rujeneda tl Südtirol unirà tenida dala sies da sëira dai assessëures ala cultura Mussner, Kasslatter Mur y Tommasini.
Panorama prejënta chëst ann, 9 ani do l’ultima edizion, na mostra dedicheda nia me ai jëuni ma plu che auter al’ert nueva. L vën mustrà 33 posizions de ert contemporanea da chëles che n possa udëi cie che l’ert de chisc tëmps da cà te nosc raion. Di truep artisć ladins iel unì nvià Aron Demetz y Gerhard Demetz fej pea cun pec defin nueves che i ne à mo mei metù ora. Fabian Feichter y Diego Perathoner ie unic cherdei ala Panorama ajache i reprejenteda na vëta jëuna de artisć ladins che fej ert a na maniera defin nueva y inuvativa.
La mostra unirà giaurida
n vënderdi, 15 juni 2012
dala 18.00 tla Furtëza de Franzensfeste
dai assessëures provinziei Florian Mussner, Sabina Kasslatter Mur y Christian Tommasini. Bele dala 17.00 sarà i cater curadëures Denis Isaia, Tobia Moroder, Lisa Trockner y Christina Nägele (de Viena) a desposizion per nfurmazion plu a puntin.
I culaburadëures media ie nviei ala giaurida y de fé al savëi i cuntenuc.
Comunicat stampa dla prejentazion cun ntervistes sun: www.provinz.bz.it/usp-ladin/285.asp?aktuelles_action=4&aktuelles_article_id=394154
as
