Atualità
Dis de educaziun politica: anunzié cina la fin de forà
USP - Ince tl 2012 gnaràl organisé, do le gran suzès di agn passà, i Dis de educaziun politica, sciöche cooperaziun inanter i Ofizi por la formaziun y i ciamps por la Inovaziun y Consulënza dles trëi Intendënzes scolastiches. Le fin di Dis de educaziun politica é chël de sotligné al publich l’importanza dl’educaziun politica tres de vigni sort de intervënc y aziuns tl tëmp dles döes edemes inanter aurì y mà.
Le tema da chëst’ann é „Nosta storia – nostes stories“. Dötes les discusciuns politiches di ultimi agn sön monumënć, mitologies y personalitês eroiches à desmostrè, che al é te nosta provinzia tröpes imajes desfarëntes de nosta storia. Dlungia la „gran“ storia y les manires da odëi tan desvalies (sciöche todësc, talians, sciöche da dachilò o migranć; sciöche jonn o vedl, sciöche ël o ëra) vara inće dles „piceres“ stories che i ésson düć canć da nes cuntè.
I Dis de educaziun politica 2012 oress cuntè chëstes stories.
Propi sön la gran varieté dla storia/dles stories chilò da nos, pon se lascè tomè ite de vigni sort y i orun invié düć chi che pîta formaziun, scores, uniuns, consëis de formaziun a tó pert. Iniziatives che vëgn comunicades ćina ai 29 de forà 2012 al Ofize por la formaziun (amt.weiterbildung@provinz.bz.it) o al Departimënt Educaziun y Cultura Todëscia (walter.pichler@schule.suedtirol.it) vëgn lascià al savëi tres radio y stampa.
Sön la plata web di Dis de educaziun politica (www.provinz.bz.it/aktionstage) él da ciafè deplü informaziuns.
usp
