Atualità
Deguna reduzion dl’ëures de scola
USP – Dajan pro l calënder de scola nuef cun l’ena de scola a 5 dis, fovel unì udù dant la puscibltà per la singula scoles de smëndrì 5% dl’ëures de scola. Davia che la Jonta provinziela ne ova per chësta puscibltà nia damandà n bënsté dal Cunsëi scolastich statel, ala (NCUEI) ai 13 de fauré trat de reviers la puscibltà de reduzion dl’ëures.
I sindacac di nsenianc se à ultimamënter dassënn parà contra la puscibltà de smendrì l’ëures de nseniamënt, argumentan cun l pericul de pierder la stiera. A livel aministratif ëssa la puscibltà de reduzion de 5% dl’ëures de scola cumpurtà truepa mudazions de regulamënc, cossa che se damanda truep tëmp.
I assessëures provinziei ie nsci stai a una de tré de reviers chësta puscibltà. L 5% sun duta l’ëures de nseniamënt fej ora feter 1 ëura al’ena.
as
