Atualità
Juebia ai 15: prejentazion dl Glossar de Religion a Urtijëi
USP – Per nsenianc de religion, ma nce per la pluanies y chëi che lëura tla comunicazion iel unì njenià n Glossar de Religion te trëi rujenedes. La publicazion nueva unirà prejenteda n juebia ai 15 de dezëmber tl Istitut tecnich Retia a Urtijëi.
Passa 2.000 esprescions de religion puderan da moinla cialé do sun feter 500 plates. Ti ufizies per l’ Inuvazion y cunsulënza dl Departimënt educazion y cultura ladina (ex- Istitut Pedagogich Ladin, iel unì njenià n glosser che reporta la paroles tla rujeneda tudëscia, taliana y ladina, tla doi variantes gherdëina y badiot.
Culaburadëures di media ie nviei ala prejentazion dl Glossar de Religion
n juebia, ai 15 de dezëmber
dala 17.00 tla aula magna dl Istitut Tecnich Raetia a Urtijëi
y de fé al savëi de chësta publicazion.
Pra la prejentazion uniral nce adalerch sn. Eugen Runggaldier, dirijënt diozejan dla cura dl’anes, l pruf. Paul Videsott, Toni Sotriffer che ova nvià via l lëur de fé chësc glossar te si prima pert y l assessëur ladin Florian Mussner.
as
