Atualità
Valutazions dla scola auta, nia sota l 4
USP – La Jonta provinziela à dat pro la valutazions de scola auta dal 0 al 10. Per dé na puscibltà de se refé, à i assessëures provinziei (ncuei) ai 04 de lugio, cunsià de nia jì sot’ al 4.
“Sce n sculé giapa na valutazion negativa, pona iel n 5. Sce l ie mo plu dëibl pona iel n 4. Ma mo plu bas ne dëssen nia dé la valutazions” à dit l presidënt Durnwalder do la senteda dla Jonta. “I sculeies dëssa bën avëi la puscibltà realistica y giapé mutivazion de se refé.”
Sun pruposta di assessëures ala scola Florian Mussner, Sabina Kassslatter Mur y Christian Tommasini à la Jonta fat ora che sculeies che mancia da scola ¾ dl tëmp, ne possa nia passé tla proscima tlas. Argumënt de dezijion ie nce stai sculeies cun dificulteies, semester fai oradecà y cunferënzes di maestri.
as
Landeshauptmann Durnwalder über Schulnoten
- Scarica il file audio 408 kb
