Atualità
27 ie passei l ejam de ladin per nsenianc de scola
USP – Per pudëi nsenië tla scoles ladines muessen sëuraprò ai tituli de studi nce avëi n ejam de ladin dedicà. 27 candidac ie chëst ann passei l ejam de ladin per nsenianc.
L nteres per fé i ejams de ladin per nsenianc ie chëst ann stat majer permez ai ani passei. 33 candidac à fat la prova scrita ulache l fova da fé na traduzion dal talian o dal tudësch. Di 29 candidac che à pona nce pudù fé la pert a usc ie passei 27. La relazion di 27 nsenianc nueves, danter Gherdëina y la Val Badia ie drët balanzeda.
Cun l ejam de ladin vën la stieres da maester tla scolines y scoles ladines resservedes defin a nsenianc de rujeneda ladina. Duc i nsenianc muessa avëi l trilinguism, ma i ladins vën tëui dant. Te duc i livei de scola, dala scolina ala scola auta iel de ndut 413 stieres tl urganich.
as
