Atualità
Cunvëni nternaziunel sun l autism, ai 16 de merz a Bulsan
USP – “Dificulteies de tò su nfurmazion y de les lauré ora tl cë da pitl insù” nscì se mostra for inò l autism te nosta sozietà . N mierculdi ai 16 de merz uniral pra n cunvëni nternaziunel a Bulsan analisà manieres per se udëi ora cumpurtamënc autistichs. La trëi ntendënzes ala scoles à nvià esperc de inuem nternaziunel y per n mierculdi se à bele nunzià passa 400 nteressei dl mond dla scola y dla sanità.
L cunvëni dal titul „Cumpurtamënc autistics – cunescënzes atueles y svilups“, metù a jì dala Ntendënza Tudëscia, Ladina y Taliana, unirà tenì ai 16 de merz tl’Università a Bulsan.
Sun l program dl cunvëni iel referac de esperc dl’universiteies de Trënt y Bulsan Paola Venturi y Nina Hömberg deberieda cun Nazzaria Cappa cunsulënta psico-pedagogica de Rovereto. Domesdì puderà i partezipanc fé pea ativamënter a de plu workshops. La moderazion dl cunvëni se à sëurantëut l’ispetëura per la scolines ladines Edith Ploner.
Al cunvëni tulerà nce pert i assessëures provinziei ala scola Florian Mussner, Sabina Kasslatter Mur y Christian Tommasini deberieda cun i ntendënc Roland Verra, Peter Höllrigl y Nicoletta Minnei.
L cunvëni sun l autism ai 16 de merz, scumëncia dala 9 danmesdì tl’Aula Magna dl’Università a Bulsan.
as
