Atualità
Nchin ai 19 de fauré dumandes per l ejam de ladin per nsenianc
USP – Per ruvé tla graduatories de nsenianc tla scoles ladines muessen avëi fat n ejam de ladin dedicà. L proscimo ejam per nsenianc sarà chësta ann ai 21 de merz, n possa se lascé nuté su nchin al plu tert n sada ai 19 de fauré.
La dumandes per fé l ejam de ladin per nsenianc de scola y scolina muessa uni fates pra la Ntendënza ladina a Bulsan. L ejam vën damandà te na pert scrita y a usc. Tla pert scrita iel da fé na traduzion dal talian o dal tudësch, aldò dla ulentà di candidac. A chiche passa chësc ejam per pudëi fé pert dla graduatories, ti vëniel nce recunesciù l ejam de ladin, de livel A, per l trilinguism.
N culaburazion cun l Istitut Ladin Micurà de Rü iel ntan chësc mëns unì pità cursc de preparazion tl idiom de Gherdëina y dla Val Badia. Al ejam possen nce se anjenië autonomamënter. Tla direzions dla scolines, dla scoles y tla Ntendënza Ladina vëniel pità l liber “Cultura ladina” per se anjenië al ejam.
as
