Atualità
1,2 milion per la Cultura Ladina tl ann 2010
USP – La Cunsulta provinziela ladina à dat pro l’ultima pert di cuntribuc da chëst ann per mantenì la cultura ladina. Lies, artisc' y istituzions che lëura y cura la Cultura ladina giapa tres l Assessorat ladin dla Provinzia de Bulsan de ndut 1.238.697 euro. La spartizion de chisc cuntribuc ie dassënn granda.
Tl ann 2010 à la Cunsulta provinziela ladina tratà 195 dumandes per n cuntribut provinziel. “Vel singula lies giata bele cuntribuc dala Region, perchël ne ons nia pudù azeté defin duta la dumandes, ma purempò ons dat pro cuntribuc te 166 caji” spiega l assessëur Florian Mussner. I mesuns provinziei a desposizion per sustenì chiche se da ca per fé viver la Cultura Ladina ie a chësta maniera unì spartì su danter na gran cumpëida de lies, artisć y istituzions. Plu avisa 85% dla dumandes mandedes ite. (L ann passà fovel unì azetà 149 dumandes.)
L sustëni finanziel per l’ativiteies cultureles ti luesc ladins se tën al prinzip dla sussidiarietà. “La Cultura Ladina resta n vita sce la lies, unions y i zitadins vif la cultura. Perchël ons dat i cuntribuc provinziei a na gran cumpëida de lies, te chëles che i zitadins ladines dà ca si tëmp liede per la cultura.” Spiega l assessëur Mussner.
La soma de cuntribuc per la Cultura Ladina, spartì danter lies, furmazion, istituzions, La Usc di Ladins y l ciamp dl’ert, ie de 1.238.697 euro. Aldò dla situazion finanziera tl Provinzia ie chësta soma generela unida smendrida de 8,9% permez da ann passà. “La realtà economica nes sforza a ciafië cun manco permez ai ani passei. Tla spartizion dl sustëni finanziel ons dat priorità al Istitut Culturel Ladin y al’atività de ulentariat. On spustà capituli scurtan per ejëmpl i cuntribuc per l’atività de furmazion” spiega l assessëur provinziel ladin.
Tla senteda de n vënderdi 10 de dezëmber à la Cunsulta dat si bënsté sun l’ultima pert di cuntribuc per l ann 2010. Aldò de chësc bënsté vëniel cun decret dl assessëur provinziel per l ann 2010 dat ora cuntribuc per 589.894 euro.
La majera soma de chisc cuntribuc reverda l’ativiteies cultureles dla lies y di artisć (457.057 euro). Cuntribuc ora de chësc capitul giapa 92 lies y 16 artisć. Sëuraprò al’atività giapa la lies nce cuntribuc per nvestimënc canche l ie per ejëmpl debujën de cumpré strumënc o mantenì guanc. Nce i cuntribuc de chisc nvestimënc (de ndut 128.337 euro) vën dai ora cun bënsté dla Cunsulta Ladina. Tl ann 2010 iel me unì dat n sëul cuntribut culturel ai Chemuns (4.500 al Chemun de Bulsan).
Sëuraprò ai cuntribuc per lies y artisć, sustën l Assessorat provinziel ladin l atività y l mantenimënt dl Istitut Culturel Ladin Micurà de Rü cun 403.658 euro. I culaburadëures vën paiei dala Provinzia de Bulsan.
La publicazion de la zaita “La Usc di Ladins” vën per l ann 2010 sustenida cun 47.320 euro da pert dl Assessorat provinziel ladin.
A bën dla Cultura Ladina va nce i cursc de furmazion che la lies mët a jì y proiec de educazion (de ndut 45.500 euro). Ora de n’auter capitul sustën l Assessorat ladin nce trasmiscions de televijion y radio, cumpran nce libri y opres d’ert per de ndut 152.325 euro.
Cumpedan adum duc i capituli sustën la Provinzia de Bulsan chëst ann la Cultura Ladina cun 1.238.697 euro, i cuntribuc spartii sun truepa lies, artisć y istituzions vën dai per judé a mantenì n vita la gran atività culturela.
92 lies che giapa cuntribuc dala Provinzia de Bulsan per la Cultura Ladina tl ann 2010
Associaziun Culturala Erehwon, Mareo
Associaziun Turistica Badia, La Ila
Badia Events
Bibliogamma – Onlus, Stegen
Butëiga dl Mond Gherdëina, Urtijëi
Certl Grup Atrif, Al Plan de Mareo
Chor Gaudium, Urtijëi
Comunanza Ladina a Bulsan
Consëi Cultural tl Cumun de Badia
Cor "Cantus Iuvenis", Al Plan de Mareo
Cor Col dla Vedla, Rina
Cor de Dlieja Bula
Cor de Dlieja de S. Cristina
Cor de Dlieja Urtijëi
Cor de Dlija Lungiarü
Cor de Dlijia d'Al Plan
Cor de Dlijia de Badia
Cor de Dlijia La Val
Cor de Dlijia Rina
Cor de Dlijia San Ciascian
Cor de Dlijia San Martin
Cor de Runggaditsch
Cor de Sëlva
Cor di ëi de Badia
Cor di Jëuni Urtijëi
Cor di jogn ProVoxis, Calfosch
Cor di Mutons de Sëlva
Cor dl' ëiles Exultate, Sëlva
Cor d'La Pli
Cor dles ëles Kèrygma, Badia
Cor dles ëres Raiëta, La Val
Cor Mons Elina, Rina
Cor Mosaic, Al Plan de Mareo
Cor Raetia, Urtijëi
Cor Sasslong, S. Cristina
Corni da mont de Rina
Cultura da Munt, Antermëia
Cunsëi de Formazion S. Cristina
EPL Ert por i Ladins, Mareo
Fotoclub Gherdëina
Grupa Bal Populèr Sëlva y S. Cristina
Grupa ciantarins Helios
Grupa de Balarins de Gherdëina, Urtijëi
Grupa de lëur „75 ani Scola de Schi Urtijëi”
Grupa de Teater S.Cristina
Grupa de Teater Sëlva
Il Pinzimonio Vocale, La Ila
Jëuni de Mujiga de Gherdëina
K.V.W. Val Badia
Kulturkreis Arteviva, Sterzing
Lia Culturala Fanes, La Ila
Lia cunzerc Badiamusica, La Ila
Lia dla trohtes S. Cristina
Lia Filatelisc Numismatich y Vedla Chertes, Urtijëi
Lia per l turism Sëlva
Lia per l turism Urtijëi
Lia Uniun Maestri de Gherdëina
Mareo Laota y Encö, Al Plan de Mareo
Müjiga "Katharina Lanz", Al Plan de Mareo
Müjiga da La Val
Mujiga da Rina
Müjiga de Badia
Mujiga de S. Cristina
Mujiga de San Ciascian
Mujiga de Sëlva
Mujiga de Urtijëi
Müjiga La Ila
Orchestra Val Badia, La Ila
Quartët Göma, Al Plan de Mareo
Schützenkompanie Katharina Lanz, Al Plan
Schützenkompanie Mareo
Seniorenclub Rina
Sozietatis Verbi Divini, Casa Natale del B.J. Freinademetz, Oies
Südtiroler Theaterverband, Bulsan
Teater Runcadic
Teater Sëlva
Teater Urtijëi
UCL Uniun Ciantauturs Ladins, San Ciascian
Union di Ladins de Gherdëina
Uniun Bal Popular Val Badia, S. Ciascian
Uniun Corn da Ciacia "Ladinia", San Martin de Tor
Uniun dal sport Rina
Uniun Guant da Zacan, San Martin de Tor
Uniun Ladins Val Badia
Uniun Maestri Ladins, San Martin de Tor
Uniun Musicala y Culturala Ladina, Corvara
Uniun Musiga S.Martin
Uniun Seniors tla Lia da Paur da Longiaru
Uniun Teater La Ila
Uniun Teater San Martin
Urchestra Sonoton, Urtijëi
Val Gardena-Gröden Marketing
16 artisć che giapà cuntribuc dala Provinzia de Bulsan per la Cultura Ladina tl ann 2010
Anastasia Kostner, Urtijëi
Barbara Tavella, La Ila
Claus Vittur, La Ila
Cristina Vignocchi, Bulsan
Daria Velentin, Badia
Eduard Demetz, Bulsan
Gregor Prugger, Urtijëi
Herbert Comploi, Urtijëi
Ivan Lardschneider, Sëlva
Johann Rindler, Viena
Lia Mostra d'Ert, Urtijëi
Lois Rottonara, La Ila
Lukas Spisser, Urtijëi
Maria Moling, La Val
Thaddäus Salcher, Bula
Valentine Kostner, Runcadic
as
