Atualità
Degun ladins ne à fat pea l scioper di nsenianc
USP – Degun nsenianc dla scoles ladines ne à ncuei mierculdi 17 de nuvëmber, fat pea l scioper. Chësc vën fat al savëi dala Ntendënza scolastica ladina.
No nsenianc y nianca i diretëures ne à tla Val Badia y te Gherdëina fat pea al scioper cherdà ora dala Federazion sindachela. Tla scoles tudësces dla Provinzia de Bulsan iel stat sibe pra i nseniananc cun stiera de rodl y nce pra i nsenianc a tëmp determinà na patezipazion al scioper de 1,4%. Rejon dl scioper ie la prutesta contra la reforma dla scola y l sparanië tla scola a livel naziunel.
as
